যিকোনো খাদ্যৰ সৈতে যদি নিমখ দিয়া নহয় বা নিমখ মিশ্ৰণ কৰা নহয় তেনেহ’লে সেই ব্যঞ্জন বা খাদ্য খোৱাৰ অনুপযোগী নহয়, সেই খাদ্যৰ কোনো মূল্য নাথাকে৷ নিমখ হ’ল এনে এটা উপাদান, যি খাদ্যক তাৰ নিজস্বতা প্ৰদান কৰাত সহায় কৰে৷ খাদ্যৰ খাদ্যগুণ বৃদ্ধিত প্ৰধান তথা মুখ্য ভূমিকা গ্ৰহণ কৰে নিমখে৷ কথাতে কয় নহয় যে কি ব্যঞ্জনত নিমখ নহয়, সেই ব্যঞ্জন যিমানেই ম-মছলা নিদিয়ক কিয় অখাদ্য হৈ পৰে৷ আনহাতে বিশ্বৰ বিভিন্ন প্ৰান্তত বিভিন্ন প্ৰকাৰৰ নিমখ পোৱা যায়৷ তাৰ ভিতৰত সকলোতকৈ পৃথক তথা একক নিমখ হিচাপে ধৰা হয় কোৰিয়ান বাম্বু saltক৷ শুনি হয়তো আচৰিত হ’ব যে এইবিধ নিমখৰ ২৫০ গ্ৰাম নিমখৰ দাম ৭৫০০ টকা৷ কিন্তু এইটোৱে সঁচা৷ সেয়ে এই নিমখক বিশ্বৰ আটাইতকৈ দামী নিমখ হিচাপে বিবেচনা কৰা হয়৷ প্ৰাচীন কালৰে পৰা এইবিধ নিমখৰ চাহিদা বেছি৷ এই নিমখ এনেদৰে প্ৰস্তুত হয় যে ইয়াৰ মাজত থকা খাদ্যগুণ বহুত বেছি৷ এই নিমখত মিনাৰেল তথা নিউট্ৰিশ্যনৰ মাত্ৰা বহু বেছি থাকে৷ যাৰ ফলত সাধাৰণ নিমখৰ তুলনাত এইবিধ নিমখ সম্পূৰ্ণ পৃথক৷ এই বিশেষ নিমখবিধক সংৰক্ষিত বাকচত ৰখা হয়৷ প্ৰথমে সমুদ্ৰৰ পৰা তুলি আনি তাৰ পাছত ইয়াক ৮০০ ডিগ্ৰী তাপমাত্ৰাৰ মেচিনত উত্তপ্ত কৰা হয়৷ ইয়াৰ পাছত নিমখৰ ৰঙৰ পৰিৱৰ্তন হ’লে এইখিনি এহেজাৰ ডিগ্ৰী ছেলচিয়াচ তাপমাত্ৰালৈ নিয়া হয়৷ ইয়তে এটা বিশেষ ধৰণৰ বাকচত ৰখা হয়৷ যাৰ ফলত ইয়াৰ পৰা নিমখৰ পুষ্টিগুণ সংৰক্ষিত থাকে৷ সাধাৰণতে সাধাৰণ নিমখ প্ৰস্তুত কৰিবলৈ খুব বেছি সময়ৰ প্ৰয়োজন নহয় যদিও এই নিমখ প্ৰস্তুত কৰিবলৈ ৫০ দিন সময়ৰ প্ৰয়োজন হয়৷ যিসকলৰ দেহত পটাচিয়াম, কেলচিয়াম আৰু মিনাৰেলৰ অভাৱ হয়, তেনে লোকে ঔষধ হিচাপে এই কোৰিয়ান বাম্বু salt খাব পাৰে৷
