সমগ্ৰ বিশ্বজুৰি কেঞ্চাৰত আক্ৰান্তৰ সংখ্যা দিনক দিনে অভাৱনীয়ভাৱে বৃদ্ধি হৈছে৷ সম্প্ৰতি বিশ্ব স্বাস্থ্য সংস্থা চমুকৈ ‘হু’ৰ এটা সমীক্ষাত এই কথা প্ৰকাশ পাইছে৷ বিশ্ব স্বাস্থ্য সংস্থাৰ সমীক্ষা অনুসৰি বিশ্বৰ প্ৰতি বিশগৰাকী মহিলাৰ মাজৰ অন্ততঃ এগৰাকী মহিলা স্তন কেঞ্চাৰত আক্ৰান্ত৷ ২০৫০ চনৰ ভিতৰত বিশ্বজুৰি স্তন কেঞ্চাৰত আক্ৰান্তৰ সংখ্যা প্ৰতিবছৰৰ হিচাপত ৩৫ লাখ অতিক্ৰম কৰিব৷ আনহাতে স্তন কেঞ্চাৰ হৈ মুত্যু হোৱাৰ মহিলাৰ সংখ্যা প্ৰতিবছৰে ১১ লাখতকৈও বেছি৷ দা লেনছেট মেডিকেল জাৰ্নালত এই বিষয়ে এক প্ৰতিবেদন প্ৰকাশিত হৈছে৷ উক্ত প্ৰতিবেদনত ভাৰতত স্তন কেঞ্চাৰত আক্ৰান্ত মহিলাৰ সংখ্যা কিদৰে অভানৱীয় হাৰত বাঢ়িছে, তাৰ পৰিসংখ্যা দাঙি ধৰিছে ইণ্ডিয়ান কাউন্সিল অব্ মেডিকেল ৰিছাৰ্চ চমুকৈ আই চি এম আৰে৷ বিগত পাঁচ বছৰৰ সমীক্ষা হিচাপ কৰি জানিব পৰা মতে চীন আৰু আমেৰিকাৰ পাছতে স্তন কেঞ্চাৰত আক্ৰান্তৰ সংখ্যাৰ ক্ষেত্ৰত ভাৰতৰ স্থান৷ ভাৰতবৰ্ষত প্ৰতি ২৮ গৰাকী মহিলাৰ ভিতৰত এগৰাকী স্তন কেঞ্চাৰত আক্ৰান্ত হয়৷ প্ৰতিবছৰে৷ বছৰৰ হিচাপত চহৰাঞ্চলত প্ৰতি ১২ গৰাকীৰ মাজত এগৰাকী আৰু প্ৰত্যন্ত অঞ্চলৰ ক্ষেত্ৰত প্ৰতি ৬০ গৰাকীৰ ভিতৰত এগৰাকী মহিলা স্তন কেঞ্চাৰত আক্ৰান্ত হয়৷ আনহাতে গৱেষকে জানিবলৈ দিছে যে সঠিক সময়ত ধৰা পৰিছে স্তন কেঞ্চাৰ নিৰ্মূল কৰিব পৰা যায় যদিও সুস্থ হোৱাৰ পাঁচ-সাত বছৰৰ পাছত পুনৰ আক্ৰান্ত হোৱাৰ সম্ভাৱনা থাকে৷ চিকিৎসা বিজ্ঞানৰ পৰিভাষাত ইয়াক মেটাষ্টেটিক ডেভেলপমেণ্ট বোলা হয়৷ সেয়ে এই সময়খিনিত চিকিৎসকৰ নিয়মিত পৰামৰ্শ তথা পৰ্যবেক্ষণত থকা ভাল৷ কিবা অসুবিধা হ’লেও ততালিকে চিকিৎসকৰ কাষ চপা নিতান্তই প্ৰয়োজন৷
