আপুনি প্ৰস্ৰাৱ কৰাৰ সময়ত কোমোড ফেনেৰে ভৰি পৰে নেকি? হালধীয়া, বুদবুদ ফেন হৈছে প্ৰস্ৰাৱৰ সময়ত৷ নিয়মিতভাৱে এইদৰে প্ৰস্ৰাৱৰ সময়ত ফেন ওলোৱা বা প্ৰস্ৰাৱ কৰিলে দুৰ্গন্ধ বাহিৰ হয় যদি অৱহেলা নকৰিব৷ কিয়নো এইধৰণৰ লক্ষণে শৰীৰৰ বিপদৰ কাৰণ হ’ব পাৰে৷ কেতিয়াবা প্ৰস্ৰাৱৰ অত্যধিক চাপৰ সৃষ্টি হ’লেও জোৰকৈ প্ৰস্ৰাৱ বাহিৰ হোৱাৰ ফলত ফেন সৃষ্টি হ’ব পাৰে, এইাটো স্বাভাৱিক প্ৰক্ৰিয়া৷ কিন্তু নিয়মিতভাৱে যদি প্ৰস্ৰাৱৰ সময়ত ফেন বাহিৰ হয়, তেনেহ’লে সতৰ্ক হোৱা জৰুৰী৷ এইধৰণৰ ফেন ওলোৱাৰ সম্ভাব্য কাৰণ হ’ব পাৰে প্ৰ’টিন ইউৰিয়া, য’ত কিডনীয়ে সঠিকভাৱে কাম নকৰিলে প্ৰস্ৰাৱত অতিৰিক্ত প্ৰ’টিন মিহলি হৈ পৰে আৰু ফেনৰ সৃষ্টি হয়৷ ইয়াৰ উপৰি মূত্ৰনলীৰ সংক্ৰমণ হ’লেও প্ৰস্ৰাৱৰ সময়ত অস্বাভাৱিক ফেন ওলোৱা, প্ৰস্ৰাৱৰ দুৰ্গন্ধ বা প্ৰস্ৰাৱ কৰাৰ সময়ত জ্বালা-পোৰা কৰা আদি সমস্যাই দেখা দিব পাৰে৷ আনহাতে ডায়েবেটিছ আৰু কিডনীৰ সমস্যাও প্ৰস্ৰাৱৰ ওলোৱা ফেনৰ অন্যতম কাৰণ হ’ব পাৰে৷ যেতিয়া তেজত ছুগাৰৰ মাত্ৰা বেছি থাকে, তেতিয়া কিডনীৰ ওপৰত অতিৰিক্ত চাপ পৰে৷ যাৰ ফলত প্ৰস্ৰাৱৰ অস্বাভাৱিক পৰিৱৰ্তন দেখা যায়৷ যদি প্ৰস্ৰাৱত নিয়মিতভাৱে ফেন ওলাই থাকে, প্ৰস্ৰাৱৰ দুৰ্গন্ধ , প্ৰস্ৰাৱৰ ৰং সলনি বা অন্য কোনো উপসৰ্গই দেখা দিয়ে, তেনে ক্ষেত্ৰত চিকিৎসকৰ পৰামৰ্শ লোৱাটো নিতান্তই প্ৰয়োজন৷