পৃথিৱীৰ চাৰিওফালে অদৃশ্য এক তড়িৎ ক্ষেত্ৰৰ সন্ধান পোৱা বুলি দাবী কৰিছে যুক্তৰাষ্ট্ৰৰ মহাকাশ গৱেষণা সংস্থা নাছাৰ বিজ্ঞানীয়ে৷ পৃথিৱীৰ চাৰিওফালে থকা এম্বিপোলাৰ নামৰ তড়িৎ ক্ষেত্ৰখনে আমাৰ বায়ুমণ্ডলৰ এটা স্তৰক মহাকাশত ধৰি ৰখাৰ বাবে কাম কৰিছে৷ এই তড়িৎ ক্ষেত্ৰখনক মাধ্যাকৰ্ষণৰ শক্তিৰ দৰেই গুৰুত্বপূৰ্ণ বুলি ধৰা হয়৷ এবাৰত প্ৰথম পৃথিৱীৰ চাৰিওফালৰ সূক্ষ্ম আৰু প্ৰায় চিনাক্ত কৰিব পৰা নাযায়, তেনে তড়িৎ ক্ষেত্ৰৰ সন্ধান পালে বিজ্ঞানীয়ে৷ নতুন এই শক্তিক্ষেত্ৰক এম্বিপোলাৰ তড়িৎ ক্ষেত্ৰ বোলা হয়৷ এই ক্ষেত্ৰৰ কাৰণে ৰহস্যময় বতাহত ছুপাৰচনিক বিভিন্ন কণা ক্ৰমাগত পৃথিৱীৰ মেৰুৰ পৰা বাহিৰলৈ গৈছে বুলি ধাৰণা কৰিছে গৱেষকে৷ বিজ্ঞানীয়ে দাবী কৰিছে যে নতুন ক্ষেত্ৰৰ বিস্তাৰিত ব্যাখ্যা জানিবলৈ সক্ষম হ’লে পৃথিৱীত কিদৰে প্ৰাণীৰ বিকাশ ঘটিছিল, সেই বিষয়ে জানিব পৰা যাব৷ বিগত কেইবাদশক আগৰে পৰা বিভিন্ন মহাকাশযানে পৃথিৱীক প্ৰদক্ষিণ কৰিবলৈ আৰম্ভ কৰিছে৷ তেনে সময়ত বিভিন্ন মহাকাশ সংস্থাই পৃথিৱীৰ মেৰুকেন্দ্ৰিক অদ্ভুত এক ঘটনা লক্ষ্য কৰিছিল৷ মহাকাশযান চলাৰ পথত বায়ুমণ্ডলৰ পৰা নিৰ্গত বৈদ্যুতিক চাৰ্জযুক্ত ছুপাৰচনিক কণাৰ সৈতে আকস্মিক সংঘৰ্ষৰ মুখামুখি হয়৷ কেইবা দশক ধৰি বিজ্ঞানীৰ মেৰুৰ পৰা বায়ুমণ্ডলৰ কণাৰ স্ৰোত সম্পৰ্কে জানিলে নতুন প্ৰযুক্তিৰ মাধ্যম ইয়াৰ কাৰণে দায়ী এম্বিপোলাৰ তড়িৎ ক্ষেত্ৰৰ সন্ধান পাইছে গৱেষকে৷
