নেমু বিশেষকৈ গৰমৰ দিনত সকলো মানুহৰে খাদ্য তালিকাত সন্নিৱিষ্ট এবিধ খাদ্য৷ ভাতৰ পাতত বহি এচকলা নেমু বিচৰাৰ উপৰি নেমুৰ চৰ্বত, নেমুৰ ৰস উলিয়াই আমি সকলোৱে খাওঁ৷ মানৱ জীৱনত নেমুৰ গুণাগুণৰ বিষয়ে বহুলভাৱে সমাদৃত৷ ভিটামিন-চিৰ উৎস নেমুই আমাৰ শৰীৰৰ বিভিন্ন ধৰণৰ উপকাৰ সাধন কৰে৷ আপোনালোকক নেমুৱে কি কি ৰোগ প্ৰতিৰোধ কৰে, সেই বিষয়ে জনাবলৈ লৈছোঁ৷
নেমুত থকা ভিটামিন-চিয়ে শৰীৰৰ কোষবোৰ সজীৱ কৰি ৰখাৰ লগতে কোষবোৰ নষ্ট হোৱাৰ পৰা ৰক্ষা কৰে৷ যিয়ে মাৰাত্মক কেঞ্চাৰ ৰোগ প্ৰতিৰোধ কৰাত সহায় কৰে৷
নেমুৰ ৰস সেৱনে শৰীৰত আইৰনৰ মাত্ৰা বৃদ্ধি কৰি শৰীৰটোক সুস্থ কৰি ৰখাত অৰিহণা যোগায়৷ যিহেতু আইৰনৰ অভাৱৰ বাবে এনিমিয়া ৰোগ হয়, সেয়ে এনে ৰোগ হোৱাত নেমুৰ ৰসে বাধাৰ সৃষ্টি কৰে৷
শৰীৰৰ ওজন কমোৱাত নেমুৰ ৰসে অগ্ৰণী ভূমিকা গ্ৰহণ কৰে৷ অস্বাভাৱিক ওজন বৃদ্ধিৰ সমস্যাৰ বাবে দৈনিক নেমুৰ ৰস সেৱন কৰিলে কাৰ্যকৰী ফল পোৱা যায়৷
নেমুৰ ৰসে বেক্টেৰিয়া প্ৰতিৰোধ কৰাত সহায় কৰে৷ মুখ বা ডিঙিৰ ঘা, টনছিলৰ সংক্ৰমণ আদি ৰোগ প্ৰতিৰোধ কৰাৰ ক্ষমতা নেমুৰ ৰসত আছে৷
ছালৰ বিভিন্ন ধৰণৰ সমস্যা, ছালৰ উজ্জ্বলতা বৃদ্ধি, ছালখন নিমজ কৰি ৰাখিবলৈ নেমুৰ ৰস খোৱা অত্যন্ত জৰুৰী৷
শৰীৰত বেয়া কলেষ্টৰেলৰ মাত্ৰা কমাই ৰাখিবলৈ আৰু ভাল কলেষ্টৰেলৰ মাত্ৰা বৃদ্ধিৰ বাবে দৈনিক নেমুৰ ৰস সেৱন কৰিব পাৰে৷
দাঁতৰ বিষ, দাঁতৰ বিভিন্ন ৰোগ নিৰ্মূলৰ বাবে নেমুৰ ৰস কাৰ্যকৰী৷
নেমুৰ ৰসত যথেষ্ট পৰিমাণে ভিটামিন-চি থকা হেতু মানসিক চাপ দূৰ কৰাৰ লগতে শৰীৰৰ শক্তি বৃদ্ধিত সহায় কৰে৷
নেমুৰ ৰসত ভিটামিন-চি আৰু পটেচিয়াম পোৱা যায় বাবে হৃদপিণ্ডৰ কাৰ্যক্ষমতা বঢ়োৱাৰ লগতে উচ্চ ৰক্তচাপ নিয়ন্ত্ৰণত সহায় কৰে৷
