তাম হৈছে এবিধ অতি উচ্ছ বিদ্যুৎ আৰু তাপ পৰিবাহীবিশিষ্ট কোমল ধাতু৷ প্ৰাচীন কালৰে পৰা তামক বিভিন্ন কামত ব্যৱহাৰ কৰি অহা হৈছে৷ বিশেষকৈ, তামৰ পাত্ৰত খাদ্য বা পানী খোৱাটো অতি উপকাৰী হিচাপে মনা যায়৷ বহুতেই কয় যে আগৰ দিনৰ মানুহে তামৰ বাচনেই ব্যৱহাৰ কৰিছিল৷ যাৰ ফলত তেওঁলোকৰ বেমাৰৰ পৰিমাণ কম হৈছিল৷ কিন্তু কিয় তামৰ পাত্ৰত পানী খালে বেমাৰ নহয়, আপোনালোকে জানেনে?
ষ্টেৰিলাইজিং গুণ থকা বাবে যিকোনো খাদ্য বা পানী তামৰ সংস্পৰ্শলৈ আহিলে তাত থকা বীজাণু ধবংস হয়৷ ইয়াত পানী বা খাদ্য খালে গাঁঠিৰ বিষ, কেঞ্চাৰ আদিৰ দৰে বেমাৰৰ সম্ভাৱনা কমে৷ ইয়াৰ বাবে কমেও আঠ ঘণ্টা তামৰ পাত্ৰত পানী ভৰ্তি কৰি পুৱা খালী পেটত এই পানী সেৱন কৰিলে সুফল পাব পাৰি৷ তামৰ পাত্ৰত আৰু কি কি খালে লাভ হয়, জানো আহক৷
তামৰ পাত্ৰত থকা তত্ত্বই মেটাবলিজম বৃদ্ধি কৰাৰ লগতে পাচন প্ৰক্ৰিয়াও সুস্থ কৰি ৰাখে৷ ফলত ওজন নিয়ন্ত্ৰণত সহায়ক হয়৷
দৈনিক তামৰ পাত্ৰত পানী খালে দুখ-ভাগৰ আদি দূৰ হয় লগতে স্মৃতিশক্তিও বৃদ্ধি পায়৷
ৰাতি তামৰ পাত্ৰত পানী ভৰ্তি কৰি ৰাখি ৰাতিপুৱা খালী পেটত খালে গেছ, এচিডিটি, কোষ্ঠকাঠিন্য আদিৰ দৰে সমস্যা দূৰ হয়৷
আয়ুৰ্বেদ শাস্ত্ৰ অনুসৰি শৰীৰৰ ভিতৰভাগ চাফা কৰাত বাবে তামৰ পানী উত্তম৷ এই পানী সেৱনে শৰীৰৰ বিষাক্ত বৰ্জনীয় পদাৰ্থ নিষ্কাশন কৰাত সহায় কৰে৷
ছালখনত ডিটক্সিফাই কৰাত তামৰ পাত্ৰত থকা পানীয়ে সহায় কৰে৷ এই পানী সেৱনে এণ্টিইজিমৰ সমস্যা দূৰ কৰি ছাল উজ্জ্বল কৰাত অৰিহণা যোগায়৷
তামৰ পাত্ৰত পানী খালে থাইৰয়েড, ৰক্তচাপ, বেয়া কলেষ্টৰেল আদি নিয়ন্ত্ৰণত থাকে৷
তামৰ পাত্ৰত কেতিয়াও দৈ, গাখীৰ, নেমু, আচাৰ আদি খাদ্য নাখাব৷ ইয়াৰ ফলত আপোনাৰ ফুড পয়জনিং হ’ব পাৰে৷
