জ্বৰ, কাহ, মূৰৰ বিষ আদি বিভিন্ন ধৰণৰ অসুখৰ টেবলেটত একেবাৰে সোঁমাজতে এটা দীঘলকৈ দাগ দিয়া থাকে৷ সেই কথা হয়তো সকলোৱে লক্ষ্য কৰিছে৷ কিন্তু ইয়াৰ কাৰণ কোনেও জানিব নিবিচাৰে অথবা কিয় এই দাগটো দিয়া হয়, সেই বিষয়ে জ্ঞাত নহয়৷ কেতিয়াবা আপোনাৰ জানিবলৈ মন আপোনাৰো মন যায় টেবলেটৰ মাজক কিয় দাগ থাকে¸? কেতিয়াবা ঔষধৰ পাট্টাত দুটা ঔষধৰ মাজত বেছ ফাক থাকে অথবা টেবলেট এটাৰ মাজতে দাগ থাকে৷ ইয়াৰ অন্তৰালত কাৰণ আছে৷ চিকিৎসাৰ ভাষাত এই দাগটোক স্কোয়িং লাইন বুলি জনা যায়৷ ঔষধ প্ৰস্তুতকাৰী সংস্থাবোৰে সহজে ঔষধবিধ ভাঙি পৃথক কৰিবলৈ এই দাগটো দিয়ে৷ আনহাতে বিভিন্ন ক্ষেত্ৰত দেখা যায় যে চিকিৎসকে ৰোগীৰ শাৰীৰিক অৱস্থিতি চাই ঔষধ সেৱনৰ পৰিমাণ কম-বেছি কৰি দিয়ে৷ তেনে ক্ষেত্ৰত দেখা যায় যে চিকিৎসকে যি মাত্ৰাত ঔষধ খোৱাৰ পৰামৰ্শ দিয়ে, টেবলেটত তাৰ অমিল হয়, তাৰতম্য ঘটে৷ এনে অৱস্থাত নিৰ্দিষ্ট মাত্ৰাতকৈ বেছি ঔষধ খোৱা যায়৷ উদাহৰণ হিচাপে কোনো ৰোগীক যদি ৫০০ মিলিগ্ৰাম টেবলেট খাবলৈ দিয়া হয়, ঔষধৰ মাত্ৰাত থাকে এহেজাৰ মিলিগ্ৰাম৷ এই ক্ষেত্ৰত নিখুঁতভাৱে টেবলেটৰ পৰিমাণ আধা কৰাটো অতি জৰুৰী৷ টেবলেট অসমান হ’লে ঔষধৰ মাত্ৰা কম-বেছি হ’লে শৰীৰলৈ বেছি মাত্ৰা ঔষধ যোৱাৰ সম্ভাৱনা থাকে৷ সেয়ে এই কাম নিৰ্ভুলভাৱে কৰাৰ বাবে টেবলেটৰ একেবাৰে সোঁমাজতে ভাঙিব পৰাকৈ এটা দাগ দিয়ে কোম্পানীবোৰে৷ চিকিৎসকে জনোৱা মতে বিভিন্ন সময়ত লিভাৰ বা কিডনীৰ সমস্যাত ভোগা ৰোগীৰ ক্ষেত্ৰত বহুতো ঔষধৰ মাত্ৰা কমাই দিয়াৰ প্ৰয়োজন হয়৷ তেনে ক্ষেত্ৰত টেবলেটৰ আধাকৈ দিয়াৰ পৰামৰ্শ দিয়ে৷ মূলতঃ সহজে ভাগ কৰাৰ বাবেই টেবলেট এইধৰণৰ দাগ দিয়া হয়৷ অৱশ্যে বৰ্তমান সময়ত এইধৰণৰ টেবলেটৰ দাগৰ যৌক্তিকতা কমিছে৷ কাৰণ ভাগ ভাগ কৰা সমস্যা নোহোৱা কৰি বিভিন্ন ঔষধ সঠিক মাত্ৰা ব্যৱহাৰ কৰি ঔষধ প্ৰস্তুতকাৰী কোম্পানীয়ে প্ৰস্তুত কৰে৷ যেনে– থাইৰয়েডৰ ঔষধ আকাৰত যথেষ্ট সৰু বাবে সেইবোৰ ভঙাটো সহজ নহয়৷ যাৰ বাবে তেনে টেবলেটবোৰ নিৰ্দিষ্ট মাত্ৰাত বনোৱা হয়৷ আনহাতে ঔষধৰ প্ৰতিটো পাট্টাত নিৰ্দিষ্ট দূৰত্বত ফাক থাকে৷ কিয়নো গোটেই পাট্টাটো ৰোগীয়ে নিৰ্দিষ্ট সংখ্যক টেবলেট কিনিবলৈ বিচাৰিছে, সেই পৰিমাণৰ টেবলেট কাটি দিয়াৰ সুবিধা হয়৷
