মেডিকা কৰ্কট চিকিৎসালয়ে ছবি-নিৰ্দেশিত বিকিৰণ চিকিৎসা চমুকৈ IGRT আৰু তীব্ৰতা-মডুলেটেড বিকিৰণ চিকিৎসা চমুকৈ IMRT-ৰ সৈতে এক উচ্চস্তৰৰ ৰেডিঅ’থেৰাপী যন্ত্ৰ হেলচিয়ন প্ৰৱৰ্তন কৰিছে৷ উত্তৰ-পূব অঞ্চলত সঠিক কৰ্কট ৰোগৰ চিকিৎসাৰ অভাৱ হ্ৰাস কৰিবলৈ মেডিকা কৰ্কট চিকিৎসালয়ে একাধিক উন্নত প্ৰযুক্তি ৰূপায়ণ কৰিছে আৰু হেলচিয়নৰ শেহতীয়া অন্তৰ্ভুক্তিয়ে তেওঁলোকক কেৱল উত্তৰ-পূব ভাৰততে নহয়, চুবুৰীয়া দেশবোৰতো কৰ্কট ৰোগৰ বাবে সৰ্বশ্ৰেষ্ঠ চিকিৎসা কেন্দ্ৰ হিচাপে গঢ়ি তুলিছে৷ মেডিকা কৰ্কট চিকিৎসালয়ৰ সঞ্চালক ডাঃ সৌৰভ দত্তই কয় যে মেডিকাই কৰ্কট চিকিৎসালয়ত শেহতীয়া প্ৰযুক্তি আনিব, যাতে এই অঞ্চল আৰু ওচৰ চুবুৰীয়া ৰাজ্যৰ লোকসকলে চিকিৎসাৰ বাবে আন ৰাজ্যলৈ ভ্ৰমণ কৰিব নালাগে৷ উল্লেখ্য যে হেলচিয়ন ৰেডিয়েচন থেৰাপী প্ৰণালীৰ লক্ষ্যযুক্ত থেৰাপীয়ে নিশ্চিত কৰে যে টিউমাৰৰ চাৰিওফালে থকা স্বাস্থ্যকৰ কোষকলাৰ ক্ষতি আৰু পৰিহাৰ বা হ্ৰাস কৰিব পাৰি৷ উন্নত প্ৰণালীয়ে পুৰণি বিকিৰণ চিকিৎসা প্ৰণালীৰ তুলনাত কম পদক্ষেপত চিকিৎসা সম্পূৰ্ণ হোৱাটো নিশ্চিত কৰে৷ বুদ্ধিমান স্বয়ংক্ৰিয়কৰণ ব্যৱহাৰৰ জৰিয়তে ই চিকিৎসাৰ সময় হ্ৰাস কৰে আৰু চিকিৎসাটো ৰোগীৰ বাবে অধিক আৰামদায়ক কৰি তোলে৷
