ছিয়া চিড দেখাত সৰু হ’লেও ইয়াত আছে প্ৰচুৰ পৰিমাণে ফাইবাৰ, ওমেগা থ্ৰি ফেটি এচিড, এণ্টিঅক্সিডেণ্ট আদি৷ ছিয়া চিড স্বাস্থ্য উপকাৰী হোৱাৰ লগতে ছিয়া চিড খোৱাৰ ফলত শৰীৰৰ বিভিন্ন সমস্যা সমাধান হয়৷ বৰ্তমান সময়ত ছিয়া চিডৰ প্ৰচলন বৃদ্ধি পাইছে আৰু ছিয়া চিড জনপ্ৰিয়তা অৰ্জন কৰিছে৷ স্বাস্থ্য সচেতন লোকে প্ৰতিদিনে খাদ্য তালিকা তথা নিয়ম অনুসৰি ছিয়া চিড সেৱন কৰা পৰিলক্ষিত হয়৷ বিভিন্ন খাদ্যত ছিয়া চিড মিহলাই খোৱাৰ উপৰি ৰাতি পানী তিয়াই থৈ পুৱা সেৱন কৰিলে যথেষ্ট সুফল পোৱা যায়৷ ৰাতি ছিয়া চিড পানীৰ সৈতে মিহলাই খালে হজম শক্তি দ্ৰুততৰ তথা উন্নত হয়৷ পেটৰ বিভিন্ন সমস্যা সমাধান তথা পেট ফুলা, বদহজমৰ সমস্যা, আভোগ লগা আদি দূৰ কৰাত সহায় কৰে৷ ছিয়া চিডত যথেষ্ট পৰিমাণে ফাইবাৰ থকা বাবে চিয়া চিড খোৱাৰ ফলত বহু সময়লৈ ভোক নালাগে৷ দীৰ্ঘসময় পেট ভৰি থকা বাবে ক্ৰেভিঙৰ আশংকা নোহোৱা হয় আৰু শৰীৰৰ ওজন হ্ৰাসত সহায় কৰে৷ মনটো শান্ত তথা মনৰ শান্তি প্ৰদান কৰিবলৈ এই বীজ যথেষ্ট কাৰ্যকৰী৷ ইয়াত থকা ট্ৰিপ্টোফেনে ৰাতি টোপনি ভাল তথা টোপনিৰ উন্নতিত সহায় কৰে৷ ছিয়া ডিয়ে গোটেই ৰাতিটো হাইড্ৰেট কৰি ৰখাত সহায় কৰে৷ আনকি ডিহাইড্ৰেশ্যনৰ কাৰণে ক্লান্তি তথা মূৰৰ যন্ত্ৰণা নিৰাময়ৰ বাবে ছিয়া চিড যথেষ্ট উপকাৰী৷ শৰীৰৰ মেটাবলিজম বৃদ্ধিত এই বীজে সহায় কৰে৷ ইয়াৰ লগতে পেশীৰ গঠন আৰু পিছদিনা কাম কৰা শক্তি পাবলৈ এই বীজ যথেষ্ট সহায় কৰে৷ প্ৰদাহ দূৰ কৰাত এই বীজ কাৰ্যকৰী৷ পেশীৰ বিষ, জয়েণ্টৰ বিষ কমোৱাত ছিয়া চিডে সহায় কৰে৷ ৰাতি এই বীজ তিয়াই পানী সেৱন কৰিে লিভাৰৰ কাৰ্যকাৰিতা সঠিক হয় আৰু প্ৰাকৃতিকভাৱে শৰীৰ ডিটক্সি কৰাত সহায় কৰে৷
