কাম কৰি থকাৰ মাজে মাজে বা দিনৰ ভাগত সময়-সুবিধা পালে অলপ সময়ৰ বাবে হ’লেও টোপনি মৰাটো শৰীৰ তথা মনৰ স্বাস্থ্যৰ বাবে উপকাৰী বুলি গৱেষণাই সদৰী কৰিছে৷ গৱেষণাত দেখা গৈছে যে ১০-৩০ মিনিটৰ বাবে লোৱা জিৰণিয়ে শৰীৰৰ কৰ্মক্ষমতা তথা মনোযোগ আৰু সৃজনীশীলতা বঢ়োৱাত সহায় কৰে৷ একাধিক গৱেষণাত টোপনিৰ সুবিধাৰ কথা কোৱা হৈছে, য’ত স্মৃতিশক্তি তথা ফ’কাছৰ সম্পৰ্ক আছে৷ স্পেইন আৰু ইটালিৰ কিছু অংশত মধ্য দুপৰীয়া টোপনি মৰটো এটা আদৰ্শ তথা পৰম্পৰা আছে৷ স্লিপ জাৰ্নালৰ এটা গৱেষণাত কোৱা হৈছে যে চীন আৰু জাপানত ক্লান্তি অবধি কাম কৰাৰ উৎসৰ্গৰ প্ৰদৰ্শন হিচাপে দেখা যায়৷ আনহাতে মাৰ্কিন যুক্তৰাষ্ট্ৰত কামৰ মাজত বিশ্ৰাম লোৱা ব্যক্তিক অলস হিচাপে গণ্য কৰা হয়৷ ফেডাৰেল চৰকাৰে বিৰল পৰিস্থিতিত কামৰ সময়ত টোপনি মৰা নিষিদ্ধ কৰি দিয়া আছে৷ টোপনিয়ে এইভাৱে পুনৰুজ্জীৱিত কৰে, যিয়ে যিসময়ত ক্লান্তি অনু্ভৱ হয় তেতিয়া খুব কাৰ্যকৰ হয়৷ ইয়াৰ ফলত গঠনমূলক তথা সৃজনীশীল হৈ পৰে৷ ৰাছ ইউনিভাৰছিটি মেডিকেল চেণ্টাৰৰ স্লিপ মেডিচিন ফেলোশ্বিপৰ প্ৰগ্ৰাম ডিৰেক্টৰ জেমছ ৰাউলীয়ে কৈছে যে টোপনি সুস্বাস্থ্যৰ বাবে ডায়েট আৰু ব্যায়ামৰ দৰেই গুৰুত্বপূৰ্ণ৷ কিন্তু বহুতো লোকে ইয়াৰ যথেষ্ট পৰিমাণে নাপায়৷ ইউনিভাৰছিটি অব ছাউডাৰ্ন কেলিফ’ৰ্নিয়াৰ অধ্যাপক জুলিয়ানা কিৰ্ছনাৰে যেতিয়াই সময় পোৱা যায়, তেতিয়াই টোপনি মৰাৰ কথা সদৰী কৰে৷ তেওঁৰ মতে নিশা দেৰিকৈ ছ’চিয়েল মিডিয়াত ব্যস্ত থকাটো উচিত নহয়, এই অভ্যাসে টোপনিত ব্যাঘাত জন্মায়৷ তেওঁৰ মতে কাৰ্যকৰী টোপনিৰ চাবিকাঠী হৈছে দুপৰীয়া টোপনিৰ সময় কমাই অনা৷ এই সময় খুব বেছি ১৫-২০ মিনিট হোৱাটো উচিত বুলিও তেওঁ জানিবলৈ দিয়ে৷ নেশ্যনেল ইউনিভাৰছিটি অব ছিংগাপুৰৰ চেণ্টাৰ ফৰ স্লিপ এণ্ড কগনিশ্যনৰ ডিৰেক্টৰ মাইকেল চি-এ কোৱা মতে মধ্য দুপৰীয়া হ’ল টোপনিৰ কাৰণে আদৰ্শ সময়, কাৰণ এই সময়ত এটা প্ৰাকৃতিক চাৰ্কাডিয়ান ডিপৰ সৈতে মিলি যায়৷
