দৈনন্দিন খাদ্য তালিকাত সাধাৰণতে কণা ৰখাৰ পৰামৰ্শ দিয়ে পুষ্টিবিদে৷ কাৰণ কণীক প্ৰ’টিনৰ অন্যতম উৎস হিচাপে গণ্য কৰা হয়৷ এটা কণীত প্ৰায় ছয় গ্ৰাম প্ৰ’টিন থাকে৷ আনহাতে প্ৰকৃতিত এনে কিছুমান শাক-পাচলি আছে, যিবোৰত প্ৰ’টিনৰ পৰিমাণ কণীতকৈও বেছি পোৱা যায়৷ পুষ্টিবিদ জানিবলৈ দিয়ে যে প্ৰ’টিন সমৃদ্ধ এইধৰণৰ শাক-পাচলি খালে শৰীৰত প্ৰ’টিনৰ অভাৱ পূৰ হয় আৰু কণীৰ বিকল্প হিচাপে এইবোৰ পাচলি গ্ৰহণ কৰিব পাৰি৷ জানো আহক এই শাক-পাচলিবোৰৰ বিষয়ে৷
প্ৰ’টিনৰ অন্যতম উৎস পালেং শাক৷ পালেং শাকক পুষ্টিৰ পাৱাৰ হাউছ তথা্‌ প্ৰ’টিনৰ এক চমৎকাৰ উৎস হিচাাপে ধৰা হয়৷ এবাটি ৰন্ধা পালেং শাকত প্ৰায় ৫.৪ গ্ৰাম প্ৰ’টিন থাকে৷ পালেঙক প্ৰ’টিনৰ উপৰি আইৰন, কেলচিয়াম তথা ভিটামিন-এ, ভিটামিন-চি, ভিটামিন-কে আদি যথেষ্ট পৰিমাণে থাকে৷ এইবোৰ পুষ্টিকৰ উপাদানে হাড়ৰ সমস্যা, ৰোগ প্ৰতিৰোধ ক্ষমতা তথা শৰীৰৰ সামগ্ৰিক সুস্থতা বজাই ৰাখে৷
চজিনাত প্ৰচুৰ পৰিমাণে প্ৰ’টিন পোৱা যায়৷ প্ৰতি এশ গ্ৰাম চজিনাত প্ৰায় ৯ গ্ৰাম প্ৰ’টিন থাকে, যি উদ্ভিদ ভিত্তিক প্ৰ’টিনৰ ভিতৰত অন্যতম৷ চজিনাত আইৰন, কেলচিয়াম, এণ্টিঅক্সিডেণ্টেৰে ভৰপূৰ হোৱা বাবে শৰীৰৰ ৰোগ প্ৰতিৰোধ ক্ষমতা, হজম শক্তি বৃদ্ধি আদি বিভিন্নধৰণৰ কাম কৰে৷
বহুতেই জানে যে ব্ৰকলি ফাইবাৰ আৰু ভিটামিনৰ উপাদানৰ অন্যতম উৎস৷ আনহাতে ব্ৰকলি হ’ল প্ৰ’টিনৰো ভাল উৎস৷ প্ৰতি এশ গ্ৰাম ব্ৰকলিত প্ৰায় ২.৮ গ্ৰাম প্ৰ’টিন থাকে, যি কণীতকৈও বেছি৷ ইয়াৰ উপৰি ব্ৰকলিত যথেষ্ট পৰিমাণে এণ্টিঅক্সিডেণ্ট, ফোলেট, পটাচিয়াম পোৱা যায়৷ যাৰ ফলত হূদৰোগৰ সমস্যা কমি যায়, হজম শক্তি বৃদ্ধি হয়৷ ব্ৰকলিত প্ৰদাহ বিৰোধী বৈশিষ্ট্য আছে৷
আশ্চৰ্যজনকভাৱে মাশ্বৰুমত বেছ উচ্ছ মাত্ৰাত প্ৰ’টিন থাকে৷ কেঁচা মাশ্বৰুমত প্ৰতি এশ গ্ৰামত প্ৰায় ৩.১ গ্ৰাম প্ৰ’টিন পোৱা যায়৷ ৰন্ধা মাশ্বৰুমত পানীত পৰিমাণ কমাৰ বাবে আৰু বেছি ঘনত্ব থাকে৷ প্ৰতি একাপ ৰন্ধা মাশ্বৰুমত প্ৰায় ৫-৭ গ্ৰাম প্ৰ’টিন থাকে৷ মাশ্বৰুমত প্ৰ’টিনৰ উপৰি ভিটামিন-বি, ছেলেনিয়াম, এণ্টিঅক্সিডেণ্ট আদিৰ ভাল উৎস৷ মাশ্বৰুমে মস্তিষ্কৰ স্বাস্থ্য উন্নত কৰা, ৰোগ প্ৰতিৰোধ ক্ষমতা বৃদ্ধি কৰা আনকি মাশ্বৰুমত সম্ভাৱ্য কেঞ্চাৰ-বিৰোধী বৈশিষ্ট্য আছে৷
কেঁচা মটৰমাহ উদ্ভিদ ভিত্তিক প্ৰ’টিনৰ উৎসৰ ভিতৰত এবিধ৷ ৰন্ধা মটৰমাহত প্ৰায় আঠ গ্ৰাম প্ৰ’টিন থাকে, যি এটা কণীত থকা পৰিমাণতকৈ বেছি৷ প্ৰতি এশ গ্ৰাম কেঁচা মটৰত প্ৰায় পাঁচ গ্ৰাম প্ৰ’টিন থাকে৷ ইয়াৰ উপৰি ফাইবাৰ, ভিটামিন-কে, ফোলেট আদি পোৱা যায়, যি হজম, হৃদৰোগৰ সমস্যা নিৰাময় তথা তেজৰ শৰ্কৰাৰ পৰিমাণ নিয়ন্ত্ৰণত সহায় কৰে৷