পৱিত্ৰ ৰমজান মাহত ৰোজা পালনৰ ইফটাৰৰ আৰম্ভ হয় চৰবত, ডাবৰ পানী. ফলৰ ৰস আদি বিভিন্ন ৰকমৰ পানীয়ৰে৷ কিছুমানে সাধাৰণ পানীও গ্ৰহণ কৰে৷ ইফটাৰৰ সময়ত কোনবিধ পানী স্বাস্থ্যসন্মত তথা উপকাৰী৷ ঘৰতে প্ৰস্তুত কৰা যিকোনো ফলৰ ৰসৰ চৰবত বেছ স্বাস্থ্যকৰ৷ ইয়াৰ ভিতৰত বেছি জনপ্ৰিয় তথা উপকাৰী পানীয় বেল, আনাৰস, মধুৰিআম, কমলাৰ ৰস আদি৷ আনহাতে ডাবৰ পানী বহুৰতে প্ৰিয় তথা ইয়াৰ উপকাৰিতাও যথেষ্ট আছে৷ শৰ্কৰা, সামান্য প্ৰ’টিন, ফেটসহ সকলো ধৰণৰ ভিটামিন আৰু মিনাৰেলেৰে ভৰপূৰ৷ ইয়াত থাকে শৰীৰৰ বাবে প্ৰয়োজনীয় গুৰুত্বপূৰ্ণ উপাদান, ফাইবাৰ আৰু এণ্টিঅক্সিডেণ্ট আৰু সকলোতকৈ গুৰুত্বপূৰ্ণ উপাদান হ’ল পানী৷ গৰমত গোটেই দিন ৰোজা ৰখাৰ ফলত শৰীৰ সতেজ ৰখাটো অতি জৰুৰী৷ সেয়ে সঠিক খাদ্য ব্যৱস্থাপনাৰ বাবে প্ৰধান উপাদান হৈছে ফলৰ চৰবত৷ ইফটাৰ আগতে কেইবাঘণ্টা একো নোখোৱাকৈ থকাৰ ফলত শাৰীৰিক দুৰ্বলতা বেছি অনুভৱ হয়৷ এই ক্ষেত্ৰত ইফটাৰৰ সময়ত ফলৰ ৰসত থকা ছুগাৰে লাহে লাহে আপোনাৰ তেজৰ গ্লুকজৰ লেভেল বঢ়াই আপোনাক এনাৰ্জেটিক কৰি তুলিব৷ অৱশ্যে ডায়েবেটিছ ৰোগীৰ ক্ষেত্ৰত চেনি বা গুৰ অবিহনে খোৱা উচিত৷ ইফটাৰত ফলৰ ৰস সেৱনে আপোনাৰ মস্তিষ্কৰ জ্বালানি হিচাপেও কাম কৰে৷ ক্লান্ত পেশীক সতেজ কৰে মিনাৰেল আৰু ভিটামিনে৷ এই ক্ষেত্ৰত ভিটামিন বি কমপ্লেক্সৰ ভূমিকা যথেষ্ট গুৰুত্বপূৰ্ণ৷ বিশেষকৈ অমিতাত ভিটামিন বি কমপ্লেক্সৰ পৰিমাণ আটাইতকৈ বেছি পোৱা যায়৷ ফলত থকা পটাচিয়ামে স্নায়ৱিক দুৰ্বলতা দূৰ কৰে৷ ইয়াৰ উপৰি ৰক্তচাপ নিয়ন্ত্ৰণ কৰি ৰাখে৷ ফলৰ ৰস হাৰ্টৰ স্বাস্থ্যৰ কাৰণে যথেষ্ট উপকাৰী৷ ৰোজা ৰখাৰ সময়ত শৰীৰত পানীৰ শূন্যতা অভাৱ হয়৷গতিকে ফলৰ জলীয় অংশই শৰীৰৰ পানীশূন্যতা দূৰ কৰি শৰীৰৰ প্ৰতিটো কোষক কৰ্মক্ষম কৰি ৰাখে৷ শৰীৰৰ তাপমাত্ৰাৰ ভাৰসাম্যতাও ফলৰ ৰসে ৰক্ষা কৰে৷ ফলৰ এণ্টিঅক্সিডেণ্টে শৰীৰত ফ্ৰি ৰেডিকেল তৈয়াৰ হোৱাত বাধা দিয়ে আৰু শৰীৰৰ মৃত কোষ অপসাৰণ কৰে৷ ফলৰ ৰসে শৰীৰৰ ইমিউনিটি বঢ়ায়৷ ইফটাৰৰ সময়ত ফলৰ ৰস সেৱন কৰাৰ ফলত অন্ত্ৰত ভাল বেক্টেৰিয়াৰ সংখ্যা বাঢ়ি যায়৷ ইয়াৰ ফলত পৰিপাকতন্ত্ৰ আৰু শক্তিশালী হয়৷ প্ৰস্ৰাৱৰ সংক্ৰমণ, এচিডিটি, কোষ্ঠকাঠিন্য, বুকু জ্বলা-পোৰা কৰা সমস্যা আদি সকলোবোৰৰ সমাধান হয়৷
