পানীয়েই জীৱৰ প্ৰাণ বুলি কোৱা হয়৷ পানী অবিহনে কোনেও জীয়াই থাকিব নোৱাৰে৷ এজন সুস্থ মানুহে দিনটোৰ ভিতৰত কমেও আঢ়ৌ- তিনি লিটাৰ পানী সেৱন কৰা প্ৰয়োজন৷ সাধাৰণতে আমি সকলোৱে দমকল, কুঁৱা, বা চৰকাৰে যোগান ধৰা পানীকে সেৱন কৰোঁ যদিও আন এবিধ পানীও আছে, যি পানীৰ নাম হয়তো বহুতেই দেখাতো দূৰতে কথা, শুনাই নাই৷ এইবিধ পানী সাধাৰণ পানীতকৈ যথেষ্ট পৃথক৷ ইয়াৰ গুণাগুণো নৰ্মেল পানীতকৈ বহু বেছি৷ যাৰ ক’লা পানী বা ব্ৰেক ৱাটাৰ বুলি কোৱা হয়৷ সাধাৰণতে চেলিব্ৰেটি, চিনেমাৰ তাৰকা, ধনাঢ্য ব্যক্তিসকলে এই ব্লেক ৱাটাৰ সেৱন কৰে৷ সুস্বাস্থ্য তথা শৰীৰ ফিট ৰাখিবলৈ এইসকলে বিশেষ ব্যক্তিয়ে এই ক’লা পানী সেৱন কৰে৷ ক্ৰিকেট তাৰকা বিৰাট কোহলী, চিনেমা জগতৰ অভিনেত্ৰী মল্লিকা অৰোৰা, বিশিষ্ট উদ্যোগপতি তথা ৰিলায়েন্সৰ অধ্যক্ষ নীতা আম্বানী আদি বহু ব্যক্তিয়ে সাধাৰণ পানীৰ পৰিৱৰ্তে ব্লেক ৱাটাৰ সেৱন কৰে৷ সমগ্ৰ বিশ্বতে এই ক’লা পানীৰ জনপ্ৰিয়তা যথেষ্ট আছে৷ বহুতেই ইয়াৰ ৰং ক’লাক লৈও আশ্চৰ্য প্ৰকাশ কৰে৷ এই ক’লা পানী শৰীৰৰ বাবে যথেষ্ট উপকাৰী৷ এই পানী দেখাত ক’লা হোৱাৰ কাৰণ হিচাপে এই পানীত যথেষ্ট ক্ষাৰীয় মিশ্ৰণ মিহলি হৈ থাকে৷ ইয়াৰ লগতে ফালডিক এচিড পোৱা যায় ব্লেক ৱাটাৰত৷ বহুতেই ধাৰণা কৰে যে এই পানী সেৱন কৰাৰ ফলত ডিহাইড্ৰেশ্যনৰ পৰা মুক্তি পোৱা যায়৷ ক’লা পানীয়ে শৰীৰত ভাল বেক্টেৰিয়া বৃদ্ধি কৰে৷ হজম শক্তি বঢ়োৱাত ব্লেক ৱাটাৰে সহায় কৰে৷ যিসকলে নিয়মিত শৰীৰচৰ্চা কৰে, তেওঁলোকৰ বাবে ব্লেক ৱাটাৰ অতি উত্তম বুলি ধৰা হয়৷ এইবোৰ উপকাৰী গুণৰ বাবে বৰ্তমান সমগ্ৰ বিশ্বতে ক’লা পানীৰ জনপ্ৰিয়তা তথা চাহিদা বৃদ্ধি পাইছে৷
