বেলক অতি পৱিত্ৰ ফল বুলি গণ্য কৰা হয়৷ অকল ফলেই নহয়, ইয়াৰ পাতকো বিভিন্ন পূজা-পাতলত অতীজৰে পৰা ব্যৱহাৰ কৰি অহা হৈছে৷ পিছে বেলক যদিও অন্য ফলৰ দৰে দৈনন্দিন খাদ্য তালিকাত অন্তৰ্ভুক্ত কৰা নহয়, তথাপি ইয়াৰ গুণৰ কথা জানিলে আপুনিও হয়তো অবাক হ’ব৷ বেলক ফল হিচাপে খোৱাৰ উপৰি জুচ হিচাপেও খাব পাৰি৷(১) বেলৰ জুচ শক্তিবৰ্ধক৷ ই শৰীৰৰ শক্তি বৃদ্ধি কৰাৰ লগতে দেহৰ অন্য অংগসমূহকো সক্ৰিয় কৰে৷ ইয়াত প্ৰচুৰ পৰিমাণে প্ৰ’টিন থকা হেতু এই জুচে মাংসপেশী গঠনতো অৰিহণা যোগায়৷
(২) সামান্য পৰিমাণৰ বেলৰ ৰস গৰম পানীৰ লগত খালে তেজ পৰিষ্কাৰ হয়৷ ফলত শৰীৰৰ টক্সিন নিষ্কাশন হোৱাত সহায়ক হয়৷
(৩) বেলৰ জুচ খালে পাচন প্ৰক্ৰিয়া সুস্থ হৈ থাকে৷ ডিচেণ্ট্ৰি, ডায়েৰিয়া আদিৰ সমস্যাও নিৰ্মূল কৰিব পাৰে বেলৰ জুচে৷
(8) গৰমৰ দিনত পকা বেলৰ জুচ খালে শৰীৰ ঠাণ্ডা হৈ থাকে৷
(৫) হৃদৰোগীৰ বাবে তথা কিডনী, লিভাৰ, দাঁত, চকুৰ সমস্যা আদিতো বেলৰ জুচ যথেষ্ট উপকাৰী৷
