Home Daily news চাইবাৰ আক্ৰমণৰ দ্বিতীয়বাৰৰ বাবে বলি অইল ইণ্ডিয়া লিমিটেড

চাইবাৰ আক্ৰমণৰ দ্বিতীয়বাৰৰ বাবে বলি অইল ইণ্ডিয়া লিমিটেড

দেশৰ ৰাজহুৱা খণ্ডৰ লাভজনক উদ্যোগ প্ৰতিষ্ঠান অইল ইণ্ডিয়া লিমিটেড দ্বিতীয়বাৰৰ বাবে চাইবাৰ আক্ৰমণৰ বলি হৈছে৷ উল্লেখযোগ্য যে ইয়াৰ পূৰ্বে ১০ এপ্ৰিলত হেকাৰে হেক কৰি অইলৰ বহুসংখ্যক কম্পিউটাৰ অচল কৰি পেলাইছিল৷ 
এই লৈ উদ্যোগ প্ৰতিষ্ঠানটোত একপ্ৰকাৰৰ হাহাকাৰ পৰিস্থিতিৰ সৃষ্টি হোৱাৰ লগতে আমেৰিকা আৰু ৰাছিয়াৰ বিশেষজ্ঞৰ জৰিয়তে কেইদিনমানৰ পূৰ্বে পৰিস্থিতি প্ৰায় স্বাভাৱিক অৱস্থালৈ আনিবলৈ সক্ষম হৈছিল৷ কিন্তু, এইবাৰ অইলত পূৰ্বৰ দৰে ছিষ্টেমত হেকাৰে আক্ৰমণ নকৰি অইল ইণ্ডিয়া লিমিটেডৰ নামত সামাজিক মাধ্যমত এখন পেজ খোলা বুলি জানিব পৰা গৈছে৷ 
উক্ত পেজত কৌশলেৰে অইলৰ বিষয়া-কৰ্মচাৰীক প্ৰশ্ন কৰিছে অইলক আপুনি জানেনে? আপোনাৰ বয়স কিমান? অইলক আপুনি জানেনে? যদি জানে তেন্তে শুভেচ্ছা দি একাউণ্টৰ সবিশেষ বিচাৰে দুষ্ট চক্ৰটোৱে৷ 
সম্ভৱতঃ এই শেষৰ প্ৰক্ৰিয়াটোত অইলৰ বিষয়া-কৰ্মচাৰীয়ে ভৰি দিলেই চাইবাৰ আক্ৰমণৰ বলি হ’ব উদ্যোগ প্ৰতিষ্ঠানটো৷ অৱশ্যে, পূৰ্বৰ আক্ৰমণৰ পাছৰে পৰা নতুন লিংক আহিলে খোলাৰ ক্ষেত্ৰত বাধা আৰোপ কৰিছিল অইল কোম্পানীয়ে৷ সেয়েহে অইল ইণ্ডিয়া লিমিটেডৰ সক্ৰিয়তাৰ বাবে বৰ্তমান পৰ্যন্ত কোনোধৰণৰ হানি-বিঘিনি ঘটাবলৈ সক্ষম হোৱা নাই দুষ্ট চক্ৰটোৱে৷

Most Popular

৮০০ কোটি বছৰৰ আগৰ ৰেডিঅ’ সংকেত আৱিষ্কাৰ ভাৰতীয় বিজ্ঞানীৰ!

মহাকাশত পুনৰ চমক সৃষ্টি কৰিলে ভাৰতীয় বিজ্ঞানীয়ে৷ মঙল গ্ৰহৰ তৰংগৰ স্ৰোত আৱিষ্কাৰৰ সময়ত ৮০০ কোটি বছৰ আগৰ ৰেডিঅ’ সংকেত ধৰা পেলাবলৈ সমৰ্থ...

প্ৰকৃতিৰ জামাদাৰখ্যাত শগুনৰঅস্বাভাৱিক মৃত্যু ঃ ক’ত?

পক্ষীকুল ৰক্ষা কৰাৰ সময়তে শিৱসাগৰত এজাক পক্ষীকুলৰ নিধনত ব্যথিত হৈছে প্ৰকৃতিপ্ৰেমী৷ প্ৰকৃতিৰ চাফাই কৰ্মীৰূপে খ্যাত আকাশ শুৱনি কৰা এজাক শগুন শিৱসাগৰ নগৰৰ...

বুকিং আৰম্ভ বিশ্বৰ প্ৰথমখনউৰন্ত মটৰচাইকেলৰ

বাইক বা মটৰচাইকেল সকলোৱে দেখিছে বা কেনেদৰে চলে সেয়াও সকলোৰে জ্ঞাত৷ পথ ৰাস্তাত চলা মটৰচাইকেল সকলোৱে দেখিব, কিন্তু উৰিব পৰা মটৰ চাইকেল...

অন্তঃসত্ত্বা মহিলাক ৩৩ সপ্তাহৰ পাছতগৰ্ভপাত কৰোৱাৰ অনুমতি ন্যায়ালয়ৰ

অন্তঃসত্ত্বা অৱস্থাত যিকোনো সময়ত কোনো সমস্যা দেখা দিয়ে, তেন্তে ভ্ৰূণৰ বিভিন্ন সমস্যাৰ সৃষ্টি হ’ব পাৰে৷ শেহতীয়াকৈ এক খবৰ মতে ২৯ সপ্তাহৰ এগৰাকী...